MiniBubbles është një kompani e krijuar nga nxënës që synon të ofrojë produkte inovative në fushën e higjienës personale. Produkti kryesor i kompanisë është sapuni njëpërdorimësh në formë fletash të vogla, i cili është i lehtë për t’u përdorur dhe për t’u transportuar.

Ky produkt është i përshtatshëm për përdorim të përditshëm, sidomos në situata kur nuk ka akses të menjëhershëm në sapun tradicional. MiniBubbles synon të kombinojë prakticitetin me inovacionin dhe të krijojë një produkt që është i dobishëm për një gamë të gjerë përdoruesish.

Një element i rëndësishëm i biznesit është përfshirja sociale, pasi produkti është dizajnuar që të jetë i përdorshëm edhe nga persona me aftësi ndryshe.